Oihalezko maskarilak

Gure lankide Maite Gorrotxategik, ostegunetan eskulanetako mundu magikora eramaten gaituenak, proposamen interesgarri bat bidali digu. Gauden garaian, hain garrantzitsu bihurtu diren aurpegiko maskarilak egiteko tutorial bat da, goiko marrazkiaren gainean klikatu eta nola egiten den azaltzen digun bideo bat ikusi ahal izango duzue. Animatu!! Seguru behar duen norbait aurkitzen duzuela!!

Etxerako proposamenak

Kaixo Familia! Zer moduz zaudete? Lehenik esan, gauden egoera berezi honetan zuen etxeetan dena ongi egotea espero dugula. Bestalde aipatu, blogean, eskuineko aldean, etxerako proposamenak txokoa sortu dugula. Bertan klikatu ezkero hainbat baliabide eskeintzen dituen orrialde batetara eramango zaituzte. Bizitzen ari garen egoera berezi honetan bai umeen eta bai gurasoen egonaldia arinago egiteko interesgarriak izan… Jarrai ezazu Etxerako proposamenak irakurtzen

Etxean goxo euskaraz

Kaixo guztioi! Egun berezi, desberdin eta zail hauetan etxean denbora asko pasa beharra dagokigu. Egunak luze joaten dira eta hemen proposamen bat doakizue. Etxeko ordu horiek euskaraz eta goxotasunean igarotzeko dokumentua hainbat atalez osatua. Seguraski ongi etorriko zaigula guztioi, animo eta aurrera!!!

Eskulanetako erronka

Eskulanetako tailerrean mural bat egitekotan gabiltza. Horretarako, zuen laguntza behar dugu. Izan ere, mural hau tapoien bidez egingo dugu. Ur botilenak, esne kaxenak… denak izango dira baliagarri. Horretarako materiala lortzerako orduan erronka desberdinak planteatuko dizkiogu komunitateari,. Hona hemen lehenengo erronka: ” 2.000 tapoi martxoak 11rako”. Aldez aurretik, mila esker eta ea lortzeko gai garen!!!

Eskulanetako oparia

Dakizuenez, iaztik eskulanen tailerra dugu eskolan. Bertan Maite Gorrotxategi dugu sortzaile, eta iaz bezala aurten ere inauterietan Amavir-ko aiton-amonentzat opari bat egitea bururatu zitzaigun. Honela, inauterietako kalejiran gure eskolako kanta berria eta oparia eman genizkien. Gustora jaso zituzten bai kanta eta bai oparia. Errotzen ari den ekimena dugu hau, gure eskolaren ateak kanpora irekiz. Gutxirekin… Jarrai ezazu Eskulanetako oparia irakurtzen

Santa Ageda

Aurten ere ospatu dugu Santa Ageda gure bailaran. Aurten Lezaeta eta Azpirotzen kantatzeko aukera izan dugu. Talde politta elkartu ginen eta arratsalde politta pasa genuen, ohiko koplak eta bertsoak kantatuz. Ondoren afari merienda ederra egin genuen. Urteroko usadioari eusten diogu, eta ea gure kantuek lurra esnatzeko balio izan duten.