Atzo baratzako kalabazak biltzen hasi ginen. Ostegunean, kalabaza purea sartzen da menuan eta hori dela eta, gure baratzeko kalabazak jateko aukera izango dute ikasleek. Gure baratzari benetako erabilera eman nahi diogu eta egokia iruditzen zaigu jantokia garaiko eta bertako produktuez hornitzea.
Kategoria: Gure Komunitatea
Gorritikin Azkuen
Pasa den ekainaren 12an Juan Gorriti-ri omenaldi polita egin zitzaion Azkuen. Bertan Araxes eskolak, alegiko eskolak eta zarautzeko ikastolak parte hartu genuen. Gonbidatu bereziak izan genituen bertan, Pirritx, Porrotx eta Marimotots. Giro bikaina lagun, gorritiren artelanak ikusteko aukera izan genuen, eta ondoren pailazoen laguntzarekin eskola bakoitzak berarentzako prestatu genuen antzeztu, abestu edo kontatu genuen. Gorriti… Jarrai ezazu Gorritikin Azkuen irakurtzen
Bizikidetzako pankarta
Dakizuenez, ikas komunitate proiektuan sartu ginenetik eskolan batzorde desberdinak eratu dira. Horietako bat bizikidetza batzordea dugu. Eskolako egunerokoan sor daitezkeen arazotxoak bideratzeko eta elkarrenganako errespetua indartzeko ideia eta ekimen desberdinak martxan jarriak dituzte . Horietako bat pankarta baten sorrera izan da, batzordeko kideek egina. Argazkietan prozesuaren momentu batzuk ikus ditzakezue.
Gurasoen azken formakuntza
Gurasoek Nerea Mendizabalekin egindako formakuntza saioak amaitu dira jadanik. Heriotzaren gaia landu zen azken saioan, gai sakona eta landu beharrekoa. Oso gustora egon da jendea eta Nereak azaldu digu mundu honetan bere izenak duen indarraren zergatia. Hona hemen azken saioko argzaki batzuk.
Atabal okindegira bisita
LH 5-6 ko ikasleak atabal okindegian izan ziren pasa den astean. Bertan, okindegi bateko nondik norakoak ezagutzeko aukera izan zuten; tresneria, lehengaiak, makinak… Horrez gain, egun batez okindegi lanetan aritzeko aukera izan zuten, bizkotxoa, ogia eta pastelak egin zituztelarik. Oso onak atera zitzaizkien, eskolan dastatzeko aukera izan genuen eta. Esperientzia bikaina eta nola ez eskerrak… Jarrai ezazu Atabal okindegira bisita irakurtzen
Umeen eguna
Pasa den maiatzaren 4an umeen eguna ospatu zen Betelun. Bailarako ume guztientzako festa antolatu zen, ekintza desberdinak burutu zirelarik: jostailu trukaketa, altxorraren bila, herri kirolak, bazkari ederra, jolas kooperatiboak, karaokea… Egun benetan polita, umeak gustora ibili ziren eta hurrengo urtekoa noiz iritsiko irrikaz daude!!!