Gaur DBH-ko ikasleak E.H.-ko mendi erronkako bidea balizatzen ibili dira. Arribeko bidegurutzetik Gaintzarako ibilbidea egin dute, eguraldiak lagundu ez arren animatu gara eta esperientzia polita bizi izan dugu. Eskerrak eman Iñigo Orejari halako aukera eskeintzeagatik, lasterketaren nondik norakoak erakutsi eta laguntzeko aukera emateagatik. Ea bihar dena ondo joaten den!! Zorte on denei!!!
Umeen eguna
Pasa den maiatzaren 4an umeen eguna ospatu zen Betelun. Bailarako ume guztientzako festa antolatu zen, ekintza desberdinak burutu zirelarik: jostailu trukaketa, altxorraren bila, herri kirolak, bazkari ederra, jolas kooperatiboak, karaokea… Egun benetan polita, umeak gustora ibili ziren eta hurrengo urtekoa noiz iritsiko irrikaz daude!!!
LH2 Beteluko urak bisitatuz
Bertako langileak diren Marikarmen eta Edurnerekin, Beteluko Iturriak bertatik bertara ikusi ditugu (Urberoa, Dama Iturri eta Iturri Santu) Balnearioa bertan zegoeneko azalpenak eman dizkigute eta Lantegia barrutik bisitatu dugu, ura ontziratzeko egiten duten prozesua pausoz pauso azalduz (“preforma” ontzitik, ur botilak ongi enpaketatuak paleetan kamioietara sartzeko moduan sartu arte). Ondoren, garai bateko botilak ikusi ditugu… Jarrai ezazu LH2 Beteluko urak bisitatuz irakurtzen
Animalien abestia ingelesez
LH1-ko ikasleek ingelesean animalien inguruko abesti bat ikasi dute eta HH-ko ikasleei aurkeztu diete. Artista kuadrila dugu. Hona hemen emaitza!! https://drive.google.com/file/d/1DFD5jwmn0eLF1HTYGT6mXJ1UMhs0KRID/view
LH1 eta LH2 Zarautzen eta Getarian
Primeran pasa dugu. Ez da inor etxean gelditu eta lasai, alai eta goxo ibili gara. Gainera Bakartxo gurekin etorri da. Getarian, Elkanoren herria ezagutu eta arrantzaleek sareak itsasontzian nola biltzen dituzten ikusi ondoren, Zarautzera bidexka batetik oinez joan gara, bidean belarrak ezagutuz. Ezin izan dugu hondartzan bainatu, baina indarberritzeko izozki bana dastatu dugu.Aterpetxean otordu goxo-goxoak… Jarrai ezazu LH1 eta LH2 Zarautzen eta Getarian irakurtzen
Baratzean lehen landaketak
Apirilaren 17an egin genituen baratzean lehen landaketak. Bertan ikasleen laguntzaz, letxugak, tipulak eta kalabazinak landatu genituen. Lehen pausoa izan da hau eta aurrerago Joxe Marik ekarritako hazien landareak landatzeko asmoa dugu, tomateak, kalabaza eta lekak. Pixkanaka badirudi itxura hartzen ari dela gure baratza, ea luzerako proiektu baten hasera den.