KORRIKA 2022

Kaixo familia: Korrika 22. ekitaldia martxan da. Euskararen  festarekin bat eginez, Araxes Ikas komunitateak (Guraso Elkartea eta Eskola) Kilometro bat erosi du, 1247.a hain zuzen ere, Aldatz eta Arruitzen artean. Datorren asteartean, apirilak 5, eguerdiko 12:55etan hartuko dugu lekukoa. Bertara, autobusez  hurbildu eta korrikan parte hartu ondoren,  eguerdirako eskolara itzuliko gara. Guk ere HITZEKIN euskarari… Jarrai ezazu KORRIKA 2022 irakurtzen

IHAUTERIAK 2022

Pasa den otsailaren 25ean eskolako ihauteriak ospatu genituen. Emozioen superheroiak herriko kaleetan zehar ibili ziren; poza, beldurra, maitasuna, tristura eta lasaitasuna. Ingurutxoa eta karrika dantzak dantzatu genituen eta trikitilari eta txistularien musikaz kaleak alaitzen ibili ginen. Bukatzeko Miel Otxin erre genuen eta haren inguruan dantza aritu ginen. Egun polita pasa genuen…

Emakume zientzialarien nazioarteko eguna

 Bizikidetza Batzordeak proposatuta, otsailaren 11n  “Emakume zientzialarien eguna” ospatu genuen, denon artean osatutako erakusketa batekin borobilduz.. Emakume zientzialariak landu ditugu, taldeka,  bereziki bailarako eta hurbileko zientzialariak: Beteluko  Amagoia Telletxea eta Ainara Saralegi, Atalluko  Idoia Urdanpileta eta Leitzako  Naiara Perurena. LH1-LH2 taldeak, gure gelako haur baten ama zientzialaria dela ikusirik, eskolara etortzeko gonbidapena luzatzea erabaki zuen. … Jarrai ezazu Emakume zientzialarien nazioarteko eguna irakurtzen

Aurkezpenak

Berriro ere hasi gara gelan egiten ditugun lanak beste ikasleei erakusten eta aurkezten. Kasu honetan eskolako txikienei aurkeztu zaizkie. Alde batetik, Mikel Askaraik dinosaurioen inguruko aurkezpena egin zuen eta bestetik LH3ko ikasleek ingleseko aurkezpenak egin zituzten. Gustora egon ziren bai entzuten zeudenak eta baita aurkezten aritu zirenak. Seguru gehiago egiteko aukera dugula…

Santa Ageda

Aurten Errazkinen ospatu da bailarako Santa Ageda bezperako eguna. Eskolan entsaioa egin zen goizean eta arratsaldean Errazkinen barrena ibili zen jendea kantari. Giro polita sortu zen eta gustora aritu ginen kantari lurra eta natura esnatu asmoz. Ea aurtengoa urte ona izaten dugun guztiok!

Liburutegiko txoko morea

Pixkanaka pixkanaka gure eskolako liburutegia osatzen goaz. Kasu honetan betaurreko moreak jantzi eta txoko morea sortu dugu. Bertan hezkidetzaren inguruko adin desberdinetarako liburuak aurki ditzakegu, bai ikasleek eta bai eskolara gerturatzen den edonork eskura dituelarik.