Bigaren lauhilekoan mahai jolasen tailerra jarri dugu martxan. Eskolako txikienek jolasten gozatzeko aukera izango dute. Lehen saioak egin ditugu eta hemen dituzue argazki batzuk.
Hilabetea: otsaila 2020
Eskulanetako erronka
Eskulanetako tailerrean mural bat egitekotan gabiltza. Horretarako, zuen laguntza behar dugu. Izan ere, mural hau tapoien bidez egingo dugu. Ur botilenak, esne kaxenak… denak izango dira baliagarri. Horretarako materiala lortzerako orduan erronka desberdinak planteatuko dizkiogu komunitateari,. Hona hemen lehenengo erronka: ” 2.000 tapoi martxoak 11rako”. Aldez aurretik, mila esker eta ea lortzeko gai garen!!!
Eskulanetako oparia
Dakizuenez, iaztik eskulanen tailerra dugu eskolan. Bertan Maite Gorrotxategi dugu sortzaile, eta iaz bezala aurten ere inauterietan Amavir-ko aiton-amonentzat opari bat egitea bururatu zitzaigun. Honela, inauterietako kalejiran gure eskolako kanta berria eta oparia eman genizkien. Gustora jaso zituzten bai kanta eta bai oparia. Errotzen ari den ekimena dugu hau, gure eskolaren ateak kanpora irekiz. Gutxirekin… Jarrai ezazu Eskulanetako oparia irakurtzen
Santa Ageda
Aurten ere ospatu dugu Santa Ageda gure bailaran. Aurten Lezaeta eta Azpirotzen kantatzeko aukera izan dugu. Talde politta elkartu ginen eta arratsalde politta pasa genuen, ohiko koplak eta bertsoak kantatuz. Ondoren afari merienda ederra egin genuen. Urteroko usadioari eusten diogu, eta ea gure kantuek lurra esnatzeko balio izan duten.
Theatre grade 1 and 2
Lehen zikloko ikasleek bere aktore dohaiak erakutsi dituzte. Ingeleseko arloan aritu ziren antzezlanetan, oso emanaldi polittak egin zituzten. Ingelesa lantzeko modu erakargarria eta ikasleek asko gozatu zuten. Hona hemen irudi batzuk eta baita antzerkiaren bideoa. Bideoak: https://drive.google.com/file/d/19g80vq63qeSaTzyKv21kyiiRJN1b9P8a/view?usp=sharing https://drive.google.com/file/d/19i-_agKiZaxkzOQg2aEZnV4MqyFa3fXW/view?usp=sharing https://drive.google.com/file/d/19vAHH7umAxse_WAqqwzZQ5lSpL9BrEwB/view?usp=sharing https://drive.google.com/file/d/19viNSSVc4WhfoV07DARDTdStYLrxCol2/view?usp=sharing
Talde interaktiboak ikasle ohiekin
Ikasle ohien bisita izan genuen pasa den astean eta talde interaktiboak beraiekin egiteko aprobetxatu genuen. Oso ongi atera ziren, ikasleak pozik urteetan beraien erreferentzia izan direnekin mahaia partekatzeko aukerarekin, eta ikasle ohiak ere gustora esperientzia honetan marraren beste aldean egotearekin. Oso aberasgarria suertatu zen denentzat, ea errepikatzeko aukera dugun. Eta badakizue ateak zabalik dituela parte… Jarrai ezazu Talde interaktiboak ikasle ohiekin irakurtzen