Gabonak ospatu genituen, agate deuna ospatu genuen eta ihoteekin ezin zuen desberdin izan. Euskal ihoteak ardatz hartuta txatxoak, kaldereroak, dianazaleak…. ikusteko aukera izan dugu eskolan. Egun berezi eta polita, agian beste modu batera ospatu nahi genuen baina egoerara moldatu eta ihote izpiritua bizirik mantendu dugu. Hona hemen irudiak:
Hilabetea: otsaila 2021
Agate deuna
Oztopoak oztopo, aurten ere Agate deuna ospatzeko aukera izan dugu. Beste urteetako antolaketa aldatu eta eskola orduetan eta protokolo guztiak betez, herriko txoko desberdinak kantuz bete genituen amalurra esnatu asmoz. Hemen dituzue irudiak: https://drive.google.com/file/d/1WPj01WDYStBGiINVhzUfW66DRQF3C5fW/view?usp=sharing
GABONAK 2020
Kostata baina lortu dugu gabonetako argazki sorta biltzea. Dakizuenez, aurtengo gabonetako ospakizuna berezia izan da. Urteroko jaialdia alde batera utzi behar izan genuen segurtasun neurriak bermatzeko eta gabon festa herriko txoko desberdinetara plazaratu genuen. Festa berezi, desberdin eta ederra. Jendeak asko gozatu zuen eta garai hauetan hori da garrantzitsuena. Hemen dituzue egun horretako aragzkiak.
Printzipioen lanketa
Irakasleok etengabe jarraitzen dugu ikas komunitateen inguruko formakuntzarekin. Tertuliak, talde interaktiboak… guk geuk ere ikasleek bezala gure formakuntzarako erabiltzen ditugun teknikak dira. Azkenengoa, ikas komunitateetako 7 printzipioen inguruko ariketa izan zen. Lanketa interesgarria hausnarketarako eta gure eguneroko lanean hobetzeko bidea.
DBH 1-ko musika saioa
DBH 1-ko ikasleek eskolan ditugun instrumentuekin abesti bat jo zuten, musika gelatik instrumentuak atera eta frontoia bihurtu zen musika txoko berria, hemen duzue emaitza. https://drive.google.com/file/d/110mjtoRne48gdu5jdvs32G-vlsYpnZTT/view?usp=sharing
Mendukilo
LH1 eta LH2 Astizko Mendukilo kobazuloetara Txangoa egiteko aukera ikusi eta aprobetxatu egin dugu. Astizko Mendukilo kobazuloak bisitatu ditugu. Autobusean zein herritatik pasa garen gogoan hartuz, bideko seinaleei erreparatuz, ikusi ditugun animaliei begira….giro goxo eta atseginean, ia oharkabean iritsi gara. Mendukilon, Amaia, Miren eta Rakel izan ditugu bidelagun. Lehen gizakiei buruzko azalpenak, hausnarketak eta tailerra… Jarrai ezazu Mendukilo irakurtzen