San Donato ermitara bisita egin zuten ostiralean LH4ko ikalseak. Giro ederra izan zuten eta jolasteko denbora ere atera zuten. Beteluko txokoak ezagutzeko parada ona izan zuten.
LH4 San Donaton
Janari bilketa
Guraso agurgarriak:
Aurtengo kurtsoa amaitzearekin batera, Gogor Elikagai Bankutik elikagai-bilketa antolatu nahi dugu eskola mailan, ekainaren 14tik 18rako astean. Banku honek, atxikitutako testuan azaldu bezala, Araitz-Betelu, Larraun-Lekunberri, Irurtzun, Lakuntza eta Etxarriko beharrean dauden hainbat familia hornitzen ditu. Bankuaren helburua beharrean dauden familiei oinarrizko produktuak eskeintzea da, beti ere kontuan izanik, eta azalduz, pobreziaren erantzule nagusia gaur egungo sistema ekonomikoa dela.
Araxes ikastetxera jotzen dugu jakinik lehen ere hainbat janari bilketa burutu izan dituela, eta batez ere kontuan harturik horrelako ekimenek, besteak beste, elkarlana eta inguruko herrien eta herritarren arteko bizikidetza sustatu nahi dituztela. Horretaz gain, lehen aldiz eskolan egingo den ekimen hau eredu izango da hurrengo kurtsoko beste herrietako eskoletan egingo diren bilketetan.
Beraz, Araxes Ikas Komunitateari zuzentzen gatzaizue, jardueran parte hartzeko prest egonez gero, ekainaren 14 – 18 bitartean honako produktu hauek eskolara hurbiltzeko:- Arroza- Lentejak- Garbantzuak- Babarrunak- Pasta- Egindako tomatea- Oliba olioa- Esnea- Gailetak- Kakaoa- Pixoihalak- Konpresak- Komuneko papera*Ahal izanez gero poteko lekaleak nahiago dira
Aldez aurrerik eskerrak eman nahi dizkizuegu, eta agurtu aurretik ere esan bankuaren laguntza behar baduzue, gurekin kontaktuan jarri zaitezketela.
Agur bero bat
Araizko taldea
Haziak
Denboran atzera eginda, badira 3 urte “kaputxina” haziak banatu genituela komunitatean. Hazi horietatik sortutako landareen argazkiak bidali dizkigu komunitateko partaide batek. Hazi txiki haietatik atera diren landareak ikusteak ilusio berezia egin digu. Eskerrak eman argazkia bidali duen pertsonari eta beste edonork antzeko ekarpena egin nahi badu gustora jasoko dugu.
