Bigarren hiruhilekoa modu ezinhobean bukatu dugu: Betelutik Atallura, Arribeko estartatik barrena, oinez joan gara! Eguraldi bikaina izan dugu, paraje dotoreak ikusi ditugu, naturaz gozatu dugu eta giro alaiean egin dugu bidaia. Enaitzek non bizi den ere erakutsi digu! Primeran pasa dugu!
Egilea: Administración
LH 1-LH2 IRUÑEAKO PLANETARIOAN
Martxoaren 26an, ostirala, 15 neska-mutilak Iruñeko Planetariora joan ziren. Bidaia kantuekin alaitu ondoren, Planetarioan sartu eta Mari, Basajaun, konstelazioak, planetak, Ilargia, Saturno, Marte….kontu asko ikusi eta ikasi ondoren, kanpoan hamaiketakoa egin eta ederki ibili ziren parkean. Ondoren, “zapira” sekulako saiakera egin zuten, gozatu ederra hartuz. Itzulerako bidaia ere primerakoa izan zen, kamioien markak asmatuz eta… Jarrai ezazu LH 1-LH2 IRUÑEAKO PLANETARIOAN irakurtzen
JOLAS KOOPERATIBOAK ETA HERRITIK BUELTAXKA
3.zikloko ikasleek martxoaren 31n, jolas kooperatiboetan aritzeko aukera izan zuten. Talde lana sustatu, irabazlerik gabeko jolasak izatea, denen parte hartzea bultzatu eta bermatzea… horiek ziren gure helburuak eta lortu genuen. Honekin amaituta, herritik bueltatxo bat eman genuen eta presara gerturatu ginen. Bertan umeak gustora ibili ziren jolasean eta baita urarekin freskatzen ere.
LH 3-LH 4 TXANGOA
Oporrak baina lehenago, LH3 eta LH4ko ikasleek irteera bat egin zuten Iruñerrira. Bertan eskalatzeko aukera izan zuten baita beraien zentzumenak martxan jartzeko ere “zentzumenen parkean”. Hemen dituzue irudi batzuk…
BIZIKIDETZA
Gure eskolan garrantzi handia ematen diogun elkarren arteko bizikidetzari. 2.hiruhilekoan eskola guztiko etapetan arlo hau bereziki landu dugu; marrazki eta liburuak sortuz, antzerkiak eginez, egoera desberdinen inguruan hausnartuz… Lan garrantzitsua eta interesgarria, egunerokoan gertatzen diren egoeren inguruan pentsatzeko balio izan diguna eta ziur etorkizunari begira lagungarri zaigula.
Backflip
Pasa den ostegunean Iruñara gerturatu ginen LH5 eta LH6ko ikasleak. Backflip izeneko jarduera batean parte hartu genuen, bertan, akrobaziez, saltoez, parkourraz, patineteez… gozatzeko aukera izan genuen. Oso ongi pasa genuen eta errepikatzeko gogoekin geratu ginen.